Uguharura amajwi yavuye mu matora y’umukuru w’igihugu vyaratanguye muri Gineya Bisawu, igihugu kitigeze kironka agahengwe k'umutekano kuva kicikukira ku bukoloni bwa Portugal, haraheze imyaka 45.
Perezida Jose Mario Vaz ariko arondera ikindi kiringo c’imyaka itanu. Ni we mu perezida yashoboye kurangiza manda yose adatewe coup d’etat canke ngo yicwe.
Uwo bahiganwa mu baharurwa kw’icumi afise igihagararo, ni uwahoze ari umushikiranganji wa mbere, Domingos Simoes Pereira. Bose uko ari babiri baremera kwemera aho abanyagihugu bazoshira.
Mu gihe ata mukandida yokwiza amajwi arenga 50 kw’ijana, babiri ba mbere bazongera guhiganwa mu kwezi kuza.
Facebook Forum