Uko wahagera

USA: Visi Perezida Pence Mu Ruzinduko Rutunguranye muri Iraki


Visi Perezida w'Amerika Mike Pence ageza ijambo ku ngabo z'icyo gihugu ziri muri Iraki

Visi perezida wa Leta zunze ubumwe z’Amerika Mike Pence yakoze urugendo rutunguranye muri Iraki aho yabonanye n’ingabo z’Amerika ziri muri icyo gihugu.

Yanavuganye kandi kuri telefoni na ministiri w'intebe wa Iraki Adel Abdul Mahdi.

Muri urwo rugendo ahererekejwemo n’umufasha we Karen, visi perezida Pence yanabonanye kandi na Nechirvan Barazani uyobora intara ya Kurdistan.

Pence yasangiye ifunguro ry’umunsi w’umuganura n’ingabo z’Amerika ziri mu kigo cya Ain Assad mu burengerazuba bwa Iraki.

Urunziduko rwe ruje rukurikira imvururu n’imyigaragambyo bimaze iminsi muri Iraki hagati y'ingabo za leta n’abatavuga rumwe nayo mu murwa mukuru Baghdad no mu tundi duce turi mu majy'epfo y'igihugu.

Kuri uyu wa gatanu iyo myigaragambyo yaguyemo abantu babiri.

Facebook Forum

XS
SM
MD
LG