Uko wahagera

Ishuri Ryaguye Rihitana Abana 7 Abandi 57 Barakomereka i Nairobi


Abanyakenya bateraniye aho igorofa y'ishuri yaguye

Abana barindwi bapfuye abandi benshi barakomereka kuri uyu wa mbere, bagwiriwe n’ishuli ry’amagorofa abiri mu murwa mukuru wa Kenya Nairobi.

Evanson Kamuri, umuyobozi nshingwabikorwa w’ibitaro by’igihugu byitiriwe Kenyatta, yabwiye abanyamakuru ko abana babiri mu bakomeretse bamerewe nabi, mu gihe abandi bafite ibikomere bidakabije barimo gusuzumwa.

Depite John Kiarie wo mu karere ka Dagoretti, yabwiye Televisiyo KTN ko bisa nk’aho igorofa ya mbere yahanukiye ku bana biga muri iryo shuri ryigenga. Yongeyeho ko amakuba yabaye agaragaza ko nta mategeko ariho agenga ibigo by’amashuri.

Minisitiri w’uburezi, George Magoha, nawe yasuye ahabereye iyo mpanuka kandi yumvikanishije ko hazubakwa ishuri rya leta mu karere. Yavuze ko ibyabaye uyu munsi bibabaje kandi ko amaperereza yatangiye.

Mu kwezi kwa kane umwaka wa 2016, abantu 49 bahitanywe n’inzu y’amagorofa atandatu yabagwiriye mu majyaruguru ashyira uburasirazuba bw’umurwa mukuru Nairobi.

Facebook Forum

XS
SM
MD
LG