Uko wahagera

Ubwongereza Bwarekuye Ubwato bwa Irani


Ubwato bwa Irani butwara peteroli Grace 1

Intara y’Ubwongereza ya Gibraltar yarekuye ubwato bunini cyane butwara peteroli bwa Irani bwitwa “Grace 1.” Mu itangazo yashyize ahagaragara, umuyobozi mukuru wa Gibraltar, Fabian Picardo, avuga ko bafashe iki cyemezo Irani imaze kurahira ko “Grace 1” itajyanye muri Siriya peteroli yikoreye, utugunguru turenga miliyoni ebyiri.

Ntibiramenyekana igihe ubu bwato buzavira mu mazi ya Gibraltar. Leta zunze ubumwe z’Amerika yatangaje ko idashaka ko burekurwa.

Ubwongereza bwafashe ubu bwato ku italiki ya 4 y’ukwezi kwa kalindwi. Bwakekaga ko Grace 1 ijyanye peteroli muri Siriya, irenze ku bihano Leta zunze ubumwe z’Amerika n’Ubulayi bafatiye Syria.

Grace 1 imaze gufatwa, Irani nayo, ku italiki ya 19 y’ukwa kalindwi, yafatiye mu kigobe cya Ormuz, ubwato butwara peteroli bw’Ubwongereza bwitwa “Stena Impero. Kugeza ubu ntiraburekura.

Facebook Forum

XS
SM
MD
LG