Uko wahagera

Leta ya Zimbabwe Ntishaka Imyigarambyo kuri uyu wa Gatanu


Abayoboke b'Ishyaka MDC

Polisi ya Zimbabwe yabujije imyigaragambyo ishyaka MDC (ritavuga rumwe n’ubutegetsi) ryateganyaga gukoresha kuri uyu wa gatanu mu murwa mukuru Harare.

Umuvugizi wa polisi y’igihugu, Paul Nyathi, yavuze mu itangazo ko “uwo ari we wese uhirahira kuyikora aba akoze icyaha cyo guhungabanya umudendezo n’umutekano bya rubanda.” Yatangaje ko polisi ifata ingamba zikaze.

Umuvugizi wa MDC, Luke Tamborinyoka, yabwiwe ikigo ntaramakuru Reuters cyo mu Bwongereza ko “polisi itigeze ibamenyesha icyemezo cyayo.” Yavuze ko “imyigaragambyo iba nk’uko biteganyijwe.”

Iyi myiyaragambyo igamije kwamagana ibibazo by’ubukungu bikomeye cyane byugarije Zimbabwe muri iki gihe.

Facebook Forum

XS
SM
MD
LG