Uko wahagera

Libya: ONU Yasabye Agahenge Mu Gihe Hizihizwa Eid al Adha


ONU yasabye ingabo zishyigikiye guverinema ya Libiya yemewe n’amahanga hamwe n’uruhande ruhanganye nayo, mu rwego rw’ubutabazi, kubahiriza agahenge mbere ya saa sita z’ijoro kuri uyu wa gatanu.

Intumwa za ONU muri Libiya zihamagarira impande zose kwemera agahenge k’ubutabazi kubera umunsi mukuru wa EID w’igitambo cy’intama ku bayisilamu.

Ni ibirori bizatangira ejo kuwa gatandatu.

Intumwa za ONU zizeye kubona icyemezo cyanditse cy’impande zombi bitarenze saa sita z’ijoro kw’isaha yo mu karere.

Ingabo Khalifa Haftar, zatangije ibitero byo kwihimura i Tripoli ahakorera guverinema y’igihugu yaturutse ku masezerano mu ntagiriro z’ukwezi kwa 4.

Muri aya mezi ane ashize, abantu 1,093 biciwe muri iyo mirwano nk’uko ishami rya ONU ryita ku buzima OMS, ribivuga. Ni mu gihe ingabo zishyigikiye guverinema yemewe n’amahanga zigerageza gukumira ingabo za Haftar mu nkengero z’umujyi wa Tripoli igice cy’amajyepfo.

Intumwa ya ONU, Ghassan Salame, incuro nyinshi yasabye agahenge k’ikiremwa muntu ntibyubahirizwe.

Mu kiganiro cyatangajwe kuri Videwo yagiranye n’akanama gashinzwe umutekano ka ONU, Salame yaburiye ibyerekeye umwuka mubi wiyongera. Yanahamagariye agahenge ko kworohereza imihango y’igitambo cy’intama.

Facebook Forum

XS
SM
MD
LG