Uko wahagera

Amerika Ikomeje Ibiganiro n'Abatalibani


Intumwa z'Abataliban i Doha muri Qatar

Intumwa za Leta zunze ubumwe z'Amerika zashoje ibiganiro zagiranaga n'abagarariye umutwe w'Abatalibani. Ni ku nshuro ya munani impande zombi zihura mu mujyi wa Doha mu gihugu cya Qatar.

Biteganyijwe ko abahagarariye impande zombi bazongera guhura kuri iki cyumweru kugirango barusheho kunoza amasezerano bashobora kuzasinya mu minsi ya vuba.

Umunyamakuru w'Ijwi ry'Amerika uri i Doha yavuze ko ibiganiro kuri uyu wa gatandatu byamaze hafi amasaha abiri n'igice.

Ababyitabiriye ariko, birinze kuvuga ibyo bagezeho.

Mu ntangiriro z'iki cyumweru, Suhail Shaheen uvugira Abatalibani yabwiye Ijwi ry'Amerika ko mu gihe cy'umwaka bamaze baganira hari byinshi bamaze kumvikanaho bizagaragara mu nyandiko ya nyuma y'amasezerano.

Perezuda Donald Trump aherutse gutangaza ko yifuza gukura ingabo z'Amerika ziri mu gihugu cya Afghanistan.

Facebook Forum

XS
SM
MD
LG