Uko wahagera

Perezida Trump Yihanangirije Irani Kuba Yarashe Drone y'Amerika


Indege y'Amerika yo mu bwoko bwa Drone
Indege y'Amerika yo mu bwoko bwa Drone

Perezida Donald Trump wa Leta Zunze Ubumwe z’Amerika amaze kwihanangiriza Irani nyuma y'aho irasiye indege itagira umupilote y'Amerika kuri uyu wa kane. Abinyujije ku rubuga rwa Tweeter perezida Trump avuze ko Iran yakoze ikosa rikomeye.

Abategetsi ba Irani bavuga ko iyo ndege yarasiwe mu kirere cyayo, ariko Leta Zunze Ubumwe z’Amerika iravuga ko indege yayo yarasiwe mu kirere mpuzamahanga.

Abanya-Irani bavuga ko yarashwe n’abasirikare bashinzwe kurinda ubutavogerwa bw’ikirere cyayo mu ntara ya Hormosgan iri mu majyepfo y’igihugu hafi y’ikigobe cya Hormuz.

Umuvugizi w’ubuyobozi bwa gisirikare muri Amerika Capt. Bill Urban yabwiye Ijwi ry’Amerika ko nta ndege y'Amerika yigeze inyura mu kirere cya Irani. Yavuze ko Irani yarashe igisasu cyo mu bwoko bwa missile ku ndege y’Amerika yari mu kirere mpuzamahanga, avuga ko ari igikorwa cyakozwe nta bushotoranyi bubaye ku ruhande rw’Amerika. Yavuze ko iyo ndege yarashwe atari indege ya gisirikare, ari indege ishinzwe gukusanga amakuru no kureba uko inkengero z’urugabano rw’iyanja amerika ihana n’ibindi bihugu rwifashe.

Igisirikare cya Leta zunze Ubumwe z’Amerika kivuga ko mu cyumweru gishize Irani yagerageje kurasa indi ndege y’Amerika itagira umupilote.

Facebook Forum

XS
SM
MD
LG