Uko wahagera

Abanyavenezuela Baraganira Oslo muri Norvege


Juan Guaido ni we usanzwe ari umuyobozi w'inteko ishinga amategeko ya Venezuela

Intumwa za guverinoma ya Venezuela n’abo batavuga rumwe bateraniye mu mujyi wa Oslo, umurwa mukuru wa Norvege mu “mishyikirano y’amahoro.” Ni ubwa kabili impande zombi zihuye muri Norvege. Ariko ni ubwa gatatu baganiriye. Ubwa mbere babonaniye muri Cuba. Byose biba mu ibanga rikomeye.

Jorge Rodriguez, minisitiri w’itangazamakuru, ahagarariye Perezida Nicolas Maduro. Naho visi-perezida w’inteko ishinga amategeko ya Venezuela, Stalin Gonzalez, ahagarariye Juan Guaido.

Juan Guaido ni umukuru w’inteko ishinga amategeko ya Venezuela, yiganjemo abatavuga rumwe na Perezida Maduro. Guaido avuga ko ubutegetsi bwa Maduro butemewe kuko “yibye amatora” y’umukuru w’igihugu yabaye mu kwezi kwa gatanu mu mwaka ushize.

Mu kwezi kwa mbere k’uyu mwaka, Juan Guaido yigize perezida wa Repubulika w’inzibacyuho. Kuva icyo gihe, ibihugu bigera kuri 50, birimo Leta zunze ubumwe z’Amerika, byemera ko ari we mukuru w’igihugu.

Amakimbirane hagati ya guverinoma ya Perezida Maduro n’inteko ishinga amategeko ya Juan Guaido yakubise ubukungu bwa Venezuela hasi, atuma n’abantu amamiliyoni bahunga igihugu.

Facebook Forum

XS
SM
MD
LG