Abantu bashika 40 barapfuye inyuma y’aho indege barimwo ihiriye iguye ku kibuga c’indege c’i Sheremetyevo mu micungararo y’i Moscou mu Burusiya ku musi w’Imana.
Ibimenyeshamakuru mu Burusiya bishikiriza ko iyo ndege yari itwaye ingenzi 73 hamwe n’abandi batanu basanzwe bayikoramwo.
Iyo ndege yari ihagurutse iva ku kibuga c’indege i Moscou sa kumi na zibiri z’umugoroba mu masaha y’aho, yerekeza mu gisagara ca Murmansk mu buraruko bw’Uburusiya. Imaze umwanya muto ihagurutse, hagaragaye ko ifise ibibazo muvy’ubuhinga bw’ivyuma, bica biba ngombwa ko isubira ku kibuga vyihuta. Igikoza amapine hasi imoteri yaciye yadukamwo umuriro.
Ibiro bijejwe amatohoza mu Burusiya vyatangaje ko vyatanguje amatohoza y’ubugizi bwa nabi ku cateye iryo sanganya, naho imvo yatumye biba itaramenyekana.
Facebook Forum