Uko wahagera

Koreya Yongeye Kugerageza Intwaro Zirasa Kure


.

Koreya y'epfo yasabye abaturanyi bayo bo muri Koreya ya ruguru guhagarika ibikorwa bigamije gutiza umurindi umutekano muke. Ni nyuma yuko Koreya ya ruguru yongeye kugerageza intwaro.

Mu itangazo, umuvugizi wa perezida wa Koreya y'epfo, yavuze iryo gerageza riciye ukubiri n'amasezerano ya gisirikali yasinyanye na Koreya ya ruguru mu kwezi kwa cyenda k'umwaka ushize.

Ni igikorwa gifatwa nk'ubushotoranyi nyuma yuko ibiganiro na leta zunze ubumwe z'Amerika ku ntwaro za nukiliyeri ntacyo agezeho.

Ku rubuga rwa Twitter, Perezida Donald Trump yavuze ko agifite icyizere we na Kim Jong Un bazagera ku masezerano.

Ntacyo Koreya ya ruguru iravuga kuri iryo gerageza bakoze.

Perezida Trump yongeye gushimangira ko Koreya ya ruguru ifite ubushobozi bwo kuba igihugu gikomeye mu by’ubukungu iramutse yemeye gusenya intwaro za kilimbuzi igafatanya n’amahanga.

Ku ruhande rwa Koreya barasaba ko ibihano byose bijyanye n’ubukungu byafatiwe icyo gihugu bivanwaho.

Facebook Forum

XS
SM
MD
LG