Uko wahagera

Abatalebani Banze Guhagarika Imirwano


Umunsi wa nyuma w'ibignairo hagati y'impande zombi, kuwa gatanu tariki ya 3/5/2019

Muri Afuganistani, inama y’igihugu y’abakuru b’imiryango gakondo, Loya Jirga, yarangije imilimo yayo yari imazemo icyumweru mu murwa mukuru Kabul.

Mu ijambo ryo kuyisoza, umukuru w’igihugu, Ashraf Ghani, yatangaje ko agiye gufungura mbere ya Ramadani abarwanyi b’aba-Talibani 175 bafungiye muri gereza zitandukanye z’Afghanistani.

Loya Jirga yasabye ko leta n’abatalibani bashakishiriza hamwe inzira y’amahoro. Umwe mu myanzuro yayo usaba kandi abatalibani guhagarika imirwano aka kanya. Na Leta zunze ubumwe z’Amerika irabisaba. Kuri Twitter, intumwa yihariye y’Amerika kuri Afuganistani, Ambasaderi Zalmay Khalilzad, yanditse, ati: “Igihe kirageze cyo gushyira intwaro hasi, guhagarika ubwicanyi, no gufungurira amabako amahoro.”

Byose abatalibani babiteye utwatsi, bavuga ko “ari Leta zunze ubumwe z’Amerika ahubwo igomba guhagarika gukoresha ingufu,” nk’uko umuvugizi wabo, Zabihullah Mujahid, yabitangaje kuri Twitter.

Abatalibani ntibashaka kubonana na guverinoma y’Afuganistani. Bavuga ko ari “agakingirizo ka Leta zunze ubumwe z’Amerika yigaruriye igihugu cyabo.”

Facebook Forum

XS
SM
MD
LG