Uko wahagera

Umuvugizi wa FLN Callixte Sankara Yaba Afungiwe mu Rwanda


Uyu ni we Callixte Nsabimana, uzwi kw'izina rya Major Sankara

Leta y'u Rwanda kuri uyu wa kabiri yemeje ko umuvugizi w'umutwe w'inyeshyamba za FLN Callixte Nsabimana uzwi kw'izina rya Major Sankara afungiwe mu Rwanda.

Ibyo byemejwe na ministiri w'ububanyi n'amahanga Richard Sezibera, mu kiganiro yahaye abanyamakuru. Ayo makuru yemejwe kandi n'urwego rw'igihugu rushinzwe ubugenzacyaha (RIB) rwavuze ko rwafunze Sankara mu gihe hagikorwa iperereza ku byaha aregwa.

Mu itangazo, urwo rwego rwagize ruti "Nsabimana Callixte yari amaze iminsi ashakishwa n’ubutabera kubera ibyaha bitandukanye aregwa byakorewe ku butaka bw’u Rwanda birimo: Kurema umutwe witwara gisirikare utemewe, gushishikariza no gutanga amabwiriza yo gukora ibikorwa by’iterabwoba, ubwicanyi, gushimuta no gufata bugwate abantu, ubujura bwitwaje intwaro no gusahura."

Urwego rw'iperereza RIB rwavuze ko dosiye ye izashyikirizwa ubushinjacyaha nk'uko biteganwa n’amategeko.

Mu cyumweru gishize, Paul Rusesabagina uyobora ishyaka rya politiki MRCD Sankara yabarizwagamo, yari yatangaje ko uwo Sankara atekanye hanze y'u Rwanda kandi ko ari mu bwisanzure.

Facebook Forum

XS
SM
MD
LG