Abafungiwe Imyigaragambyo muri Sudani Bararekurwa

Muri Sudani, umukuru w’ubutasi n’umutekano, General Salah Abdallah Mohamed Saleh, yategetse urwego ayoboye gufungura abantu bose rwataye muri yombi mu myigaragambyo. Abantu amagana bafatiwe mu myigaragambyo yatangiye ku italiki ya 19 y’ukwezi gushize.

Nk’uko ikigo ntaramakuru Reuters cyo mu Bwongereza kibitangaza, imyigarambyo yakomeje n’uyu munsi, by’umwihariko i Burri, mu nkengero z’umurwa mukuru Khartoum, mu mujyi wa Omdurman, na Port-Sudan ku nkombe z’Inyanja Itukura. Basaba Perezida Omar al-Bashir kwegura.