Uko wahagera

Manchester United Yirukanye Umutoza Jose Mourinho


José Mourinho yari asanzwe ari umutoza w'umurwi Manchester United

Ikipe ya Manchester United yo mu Bwongereza yirukanye umutoza wayo Jose Mourinho.

Amakuru Ijwi ry'Amerika rikesha ibitangazamakuru byo muri icyo gihugu avuga ko uwo mutoza yirukwanywe nyuma y'inama ngufi yagiranye n'umuyobozi mukuru w'iyo kipe Ed Woodward.

Bibaye nyuma y'uko iyo kipe itsinzwe na Liverpool ibitego 3-1 ku cyumweru. Muri uwo mukino Mourinho yafashe icyemezo cyo kudakinisha umukinyi Paul Pogba bivugwa ko batari babanye neza.

Michael Carrick usanzwe wungirije Mourinho ni we uzotoza iyo kipe by'agateganyo mu gihe hashakishwa umutoza mukuru.

Ku rutonde rw'agateganyo rwa shampiyona y'umupira w'amaguru mu Bwongereza, Manchester United ihagaze ku mwanya wa gatandatu.

Facebook Forum

XS
SM
MD
LG