Uko wahagera

Sena y'Amerika Yaba Yemeza ko Uburusiya Bwafashije Trump


Icyumba Sena y'Amerika ikoreramo

Uburusiya bwakoresheje buri mbuga nkoranyambaga yose y’igihangange yo muri Amerika kugirango bufashe Donald Trump gutsinda amatora y’umukuru w’igihugu yo mu 2016 bukoresheje kuyobya rubanda n’amakuru atari yo.

Biremezwa na kimwe mu binyamakuru bikomeye byo muri Leta zunze ubumwe z’Amerika, The Washington Post. Kivuga ko cyabikuye mu mushinga w’icyegeranyo kirimo gitegurwa na Sena y’Amerika. Sena nayo yifashije kaminuza ya Oxford yo mu Bwongereza, imwe mu zikomeye ku isi, n’ikigo kitwa Graphika, nacyo cyo mu Bwongereza, cyazobereye mu isesengura ry’imbuga nkoranyambaga.

Kugirango Uburusiya bubashe gutanga amakuru atari yo mu baturage b’Amerika, bwasinginze kitwa Internet Research Agency, IRA, nk’uko icyegeranyo kibivuga. IRA yabitangiye mu matora yo mu 2009, ikomereza mu yo mu 2013 no mu 2016. Yakoresheje cyane cyane imbuga Twitter, YouTube, Facebook, na Instagram. Washington Post yemeza ko ayo makuru yose yari agamije gufasha Donald Trump by’umwihariko, gutsinda amatora.

Ubushinjacyaha bw’Amerika bwagejeje mu rukiko ikirego kuri IRA. Naho umushinjacya wihariye Robert Mueller arimo arakora anketi zo kureba niba hari ubufatanyacyaha hagati y’Uburusiya na Trump. Trump we ahora abihakana.

Facebook Forum

XS
SM
MD
LG