Uko wahagera

Abishwe n'Imiriro muri California Bashitse kuri 56


Abasirikare muri reta ya California bariko bararondera ibisigarira vy'abapfuye bahitanwe n'imiriro. Itariki 14/11/2018

Muri leta ya California, itsinda rishakisha abarokotse n’abahitanywe n’inkongi y’umuriro, babonye indi mirambo umunani. Iyi miriro ntiyari yarigeze iboneka mu mateka y’Amerika. Umubare w’abo imaze guhitana ugeze kuri 56 kuva yadutse mu cyumweru gishize.

Sheriff Kory Honea, ushinzwe umutekano wa komini ya Butte, ejo kuwa gatatu yavuze ko imirambo iheruka, yabonetse mu karere ka Paradise, umujyi wari utuwe n’abantu 27,000 wahiye ugakongoka.

Yavuze ko habonetse imirambo 56, kandi ko abo bamaze kugerageza kumenya umwirondoro ari 47. Ariko ko bagitegereje ko ubuhanga bw’abavuzi buzwi nka ADN bubihamya. Yongeye ko bafite icyizere cyo kumenya ayo makuru vuba kuko bifashishije uburyo buzwi nka “Rapid DNA system” mu magambo y’Icyongereza, butanga igisubizo cyihuse.

Kugeza mw’ijoro ry’ejo kuwa gatatu, abantu batari bamenyerwa irengero bari 130. Hagati aho, n’ubu imiriro iracyaka.

Perezida wa Leta zunze ubumwe z’Amerika, Donald Trump, yatangaje ko Leta ya California yose yugarijwe n’amakuba akomeye. Yakuye amafaranga mu kigega cy’igihugu yo gufasha abakozweho n’inkongi z’imiriro.

Facebook Forum

XS
SM
MD
LG