Uko wahagera

Amatora Muri Zimbabwe Yashyizwe mu kwa Karindwi


Perezida Emmerson Mnangagwa wa Zimbabwe

Amatora ya mbere y'umukuru w'igihugu n'abagize inteko ishinga amategeko nyuma y'ubutegetsi bwa Robert Mugabe muri Zimbabwe azaba mu kwezi kwa karindwi uyu mwaka.

Byatangajwe na Perezida Emmerson Mnangagwa. Ayo matora azafatwa nk'ikigerageza cy'ubutegetsi bushya bwa Mnangagwa wasimbuye Mugabe.

Ni nabwo bwa mbere izina rya Mugabe ritazagaragara ku rupapuro rw'itora kuva mu mwaka wa 1980.

Mnangagwa yavuze ko afite icyizere ko ayo matora azakorwa mu mucyo no mu mahoro. Yabibwiye abanyamakuru ubwo yari amaze kubonana na Perezida Cyril Ramaphosa mu ijoro ryo kuwa gatandatu.

Nubwo itariki nyayo y'amatora itaratangazwa, Mnangagwa yemeje ko ku nshuro ya mbere indorerezi zo ku mugabane w'Ubulayi zizatumirwa gukurikirana uko igikorwa cy'amatora kizaba kigenda.

Mu kiganiro aherutse guha abanyamakuru, Mugabe yavuze ko ikurwa rye k'ubutegetsi rinyuranije n'amategeko.

Facebook Forum

XS
SM
MD
LG