Umunyanijeriya Josiah Idowu-Fearon, umwepiskopi akaba n’umunyamabanga mukuru w’inama nkuru mw’ishengero rya Anglicane mur'ico gihugu, asaba abategetsi muri Sudani y’epfo na Republika iharanira demokarasi ya Kongo guhagarika ubwicanyi bakagarukana amahoro.
Idowu-Fearon yatangaje ko ishengero rya Anglicane rizokwifatanya na Ekleziya katolika mu twigoro irimwo two gusabira amahoro ivyo bihugu ku musi wa gatanu. Yavuze ko intambara mur’ivyo bihugu bibiri iterwa no kurwanira ubutegetsi, ati ni umugera wakwiragiye ku mugabane wa Afrika, aho kurwana bapfa amoko, ibiturire n’ubutegetsi vyiraye.
Umukuru w’ishengero Anglicane w’i Canterbury mu Bwongereza, Justin Welby, nawe arashigikiye akamo katewe na Papa Fransisiko ko guharira umusi wa gatanu ukaba uwo gusengera no kwisonzeshereza ibihugu vya Sudani y’epfo na RDC.
Papa Fransisiko na Justin Welby bari bategekanije kuzogendera Sudani y’epfo mu kwezi kwa gatatu, ariko Vaticano yarasibije urwo rugendo ku mvo zirimwo n’iz’umutekano muke.
Facebook Forum