Uko wahagera

Intambara yo muri Siriya ishobora kuvamo intambara hagati y’ibihugu byose byo mu karere k’Uburasirazuba bwo hagati. Minisitiri wungiriye w’ububanyi n’amahanga wa Irani, Abbas Araqchi, yabitangaje none mu kiganiro yagiranye na radiyo BBC y’Abongereza. Yavuze, ati: “Ubwoba ni bwose ko intambara ishobora kurenga imipaka ya Siriya.”

Abbas Araqchi yanze kuvuga ko Irani ari yo yohereje indege ya gisilikali itagira umudereva muri Isiraheli iturutse muri Siriya mu cyumweru gishize. Isiraheli yarayirashe irayihanura, ihita irega Irani ko ari yo yayohereje. Minisitiri w’intebe wa Isiraheli, Benjamin Netanyahu, avuga ko Irani ari yo iteye ubwoba cyane igihugu cye.

Hagati aho, indege ya gisilikali ya Isiraheli yararashwe irahanuka muri Siriya. Isiraheli nayo yahise yohereza izindi ndege z’intambara zirasa ibigo bya gisilikali bya Irani biri muri Siriya.

Muri ibyo byose, Uburusiya nabwo bushobora kuba bwarohereje muri Siriya indege z’intambara zitavuga zigezweho cyane, zo mu bwoko bwa Su-57. Abahanga mu bya gisilikali bavuga ko biramutse ari byo, Uburusiya bwaba burimo bwongera ingufu zabwo muri Siriya ku buryo bukomeye, kandi ko bwaba bwiteguye intambara ikomeye kurusha muri Siriya muri uyu mwaka w’2018.

Facebook Forum

XS
SM
MD
LG