Uko wahagera

Muri Irani, abantu ibihumbi n’ibihumbi bashyigikiye guverinoma bongeye gukora imyigaragambyo, ku munsi wa gatatu wikurikiranije.

Mu masengesho yo kuwa gatanu, ababwiriza mu misigiti bahamagariye ubutegetsi gukarira abajya mu myigaragambyo yo kurwanya leta. Iyi myigaragambyo imaze kugwamo abantu 22. Abandi barenga igihumbi batawe muri yombi barafungwa.

Ubutegetsi bwa Irani buremeza ko ikigo cy’iperereza CIA cya Leta zunze ubumwe z’Amerika, Israeli, n’Arabia Saoudite bari inyuma y’iyi myigaragambyo.

Perezida Trump yatangaje ku mugaragaro ko Amerika izatera inkunga abarwanya leta ya Irani “igihe nikigera.” Amerika ivuga kandi ko idashobora kwibagirwa abishwe muri iyi myigaragambyo. Minisiteri y’ububanyi n’amahanga y’Amerika yatangaje ko “Amerika ifite ububasha bwo gukurikirana mu butabera abica inzirakarengane muri Irani.”

Leta zunze ubumwe z’Amerika irasaba kandi Inteko ya ONU ishinzwe umutekano ku isi guterana byihutirwa uyu munsi ku myigaragambyo yo muri Irani.

Facebook Forum

XS
SM
MD
LG