Amahanga n'Imiryango Bakomeje Kwamagana Ubwicanyi Muri Kongo

Umunyamabanga mukuru w’ishirahamwe rihurikiyemwo ibihugu bivuga igifaransa OIF ariyamiriza ubwicanyi bwakorewe abanyagihugu umunani muri Repubulika iharanira demukarasi ya Kongo.

Abo banyagihugu bishwe bari mu myiyerekano yatunganijwe n’Abakatolika igamije kwiyamiriza kuguma ku butegetsi kwa Perezida Jospeh Kabila.

Umunyamabanga mukuru wa OIF, Michaëlle Jean, mw’itangazo yasohoye, yahamagariye ubutegetsi bwa Kongo kubahiriza uburenganzia bwo kugira imyiyerekano.

Ku ruhande rw’imigambwe n’abari mu mashirahamwe adaharanira ivyicaro vya politike, madamu Jean, yasavye ko imyiyerekano yose bakora yoba mu mahoro.

Abagera ku 100 nibo bakomerekeye muri iyo myiyerekano.