Uko wahagera

Papa Fransisko Arasaba Kwitwararika Abimukira


Papa Fransisko afashe igishusho c'akana Yezu, igihe yariko arasoma misa kw'isengero St. Peter's Basilica, buca ari Noheli kw'igenekerezo rya 24 ry'ukwezi kwa 12, mu mwaka w' 24, 2017.

Umwungere wa Ekeziya katolika, Papa Fransisko, ejo mu misa y’igicugu ca Noweri I Roma , yahamagariye aba katolika bose aho bari kwitwararika abimukira bavanywe mu vyabo n’ico yise “Indongozi zisesa amaraso y’inzirakarengane”.

Mu majambo yiwe yagize ati :“Abimukira bategerezwa gushigikirwa”.

Muri iyo misa yahereje imbere y’abakirisu bashika ku 10,000, nyenubweranda Papa Fransisko, yaragarutse ku mutekano muke uvugwa mu Burundi, muri Republika iharanira Demokarasi ya Congo, Nijeriya, siriya, ,Sudani y’epfo, Yemen n’ahandi.

Papa Fransisko, yarasengeye kandi amahoro muri Yeruzalemu, yongera avuga ko afise icizere c’uko hagiye kuboneka umuti w’amatati ari hagati ya Palestina na Isirayeri biciye mu biganiro bihuza impande zose.

Facebook Forum

XS
SM
MD
LG