Uko wahagera

Urukiko rw’ikirenga mu gihugu cy’Ubuhinde rwemeje ko umugabo uzagirana imibonano mpuzabitsina n’umugore utarageza imyaka 18 bizafatwa nk’icyaha cyo gufata ku ngufu.

Iki cyemezo kije gihindura irindi tegeko ryariho ryemereraga umugabo kugirana imibonano n’umugore utarageza iyo myaka igihe bashyingiranwe.

Urukiko rwategetse ko guhera kuri uyu wa gatatu imyaka umugore ashobora kwiyemerera gukora imibonano mpuzabitsina ari 18. Urukiko ariko ntirwigeze rugira icyo ruvuga ku bafatwa ku ngufu barashyingiranywe.

Imibare ya komisiyo ishinzwe kurengera uburenganzira bw’abana mu Buhinde igaragaza ko kimwe cya kane cy’abagore bari hagati y’imyaka 20 na 24 barongowe batarageza imyaka 18 y’amavuko.

Raporo y’iyo komisiyo ikomeza ivuga ko mu myaka 15 ishize, imibare y’abakobwa barongorwa batarageza igihe yagabanutse cyane mu byaro ariko ikazamuka mu mijyi.

Facebook Forum

XS
SM
MD
LG