Uko wahagera

KENYA: Abayoboke ba Raila Odinga Bagararije Akazi


Muri Kenya, uyu munsi, abayoboke b’amashyaka atavuga rumwe n’ubutegetsi NASA, banze kujya mu mirimo yabo, biturutse ku busabe bwa Raila Odinga mu nama yabahuje ku munsi w’ejo.

Ejo ku cyumweru mu gace ka Kibera, mu murwa mukuru Nairobi, ni ho habereye inama yahuzaga Raila Odinga n’abari bamushyigikiye mu matora. Mu ijambo rye, Odinga yongeye gushimangira ko yibwe amajwi ndetse akanicirwa abayoboke 24, mu myigaragambyo yamaganaga ibyavuye mu matora y’umukru w’igihugu yabaye mu cyumweru gishize.

Raila Odinga yahise aboneraho gusaba abayoboke be kutava mu ngo zabo kuri uyu munsi wa mbere, ababwira ko ejo kuwa kabiri ari bwo azababwira ikindi cyo gukora. Asoza kandi yibukije Perezida Uhuru Kenyatta n’amashyaka amushyigikiye yibumbiye mu rugaga Jubilee ko ntakabuza bazishyura aba bayoboke be bishwe.

Ku rundi ruhande Perezida Uhuru Kenyatta we yatangaje ko ubu ari ituze mu gihugu anasaba abanyakenya bose gukomeza imirimo yabo.

Facebook Forum

XS
SM
MD
LG