Uko wahagera

Abanyatuniziya Bahanganye n'Abanyaburayi ku Kibazo cy'Abimukira


Abakangurambaga barwanya abimukira, ku mugabane w’Ubulayi baragerageza guhagarika amato akura abimukira mu majyaruguru y’Afurika abajyana mu Bulayi. Itsinda ry’abarobyi bo muri Tunisiya bavuga ko badashyigikiye icyo gitekerezo.

Ku cyumweru babujije ubwato bwari butwaye impirimbanyi z’abahezanguni, guhagarika ubwato i Zarzis nk’uko ibiro ntaramakuru by’abafaransa AFP bibitangaza. Umuyobozi w’ishyirahamwe ry’Abarobyi bo mu karere yabwiye AFP ati: “Ni cyo byibura dushoboye gukora, urebye ibibera hanze y’inyanja ya Mediterane.“Abayisilamu n’abanyafurika barimo gupfa”.

Umutegetsi ku cyambu we yagize ati: “Ugize ngo iki? Twe tureka abakoresha ivangura ry’amoko bakaza hano? Ntibizigera biba.”

Abakangurambaga b’abahezangungi bavuga ko intego yabo ari ugushyira ahagaragara ubufatanye hagati y’imiryango itabogamiye kuri Leta, n’amato y’abatabazi hamwe n’abambutsa abo bantu bagamije inyungu, bapakira abo bimukira mu mato babakura Libiya.

Umuryango urengera uburanganzira bwa muntu Human Rights Watch, muri raporo yawo mu ntangiriro z’uyu mwaka, wari wavuze ko abanenga ibikorwa by’ubutabazi, bashaka ko bihagarara abantu bakarohama noneho abandi bagacika intege ntihagira uwongera kuhaza.Uyu muryango wakomeje uvuga ko, ibyo abo bantu batekereza ntaho bitandukaniye no gutega mine ku mupaka hagamijwe guca intege abifuza kwambuka.

Facebook Forum

XS
SM
MD
LG