Uko wahagera

Kuri uyu wa kabiri, igihugu cya Koreya ya Ruguru cyongeye kugerageza igisasu cyo mu bwoko bwa misile, kivuga ko gishobora kugera ahariho hose cyakwifuza kucyohereza ku isi.

Iki gisasu cyarasiwe ku kibuga cy’indege hafi y’umupaka wa Koreya ya Ruguru n’Ubushinwa, kigwa mu gace k’ubucuruzi ko mu Buyapani. N’ubwo ubwoko bw’iki gisasu butaramenyekana neza, inzobere David Wright ivuga gifite ubushobozi bwo kugenda ibirometero ibihumbi 10, n’ubutumburuke bw’ibirometero birenga 2800.

Perezida Donald Trump, uhora asaba Ubuyapani, Ubushinwa n’Uburusiya kumushyigikira mu gufatira ibihano Koreya ya Ruguru, yahise atangaza ko iki ari icyereka ibi bihugu ko bidakwiye gukomeza guterera agati mu ryinyo.

Perezida w’Uburusiya Vladimir Putin na we yahise atangaza ko yavuganye na mugenzi we w’Ubushinwa, Xi Jinping, bemeranya ko bagiye gukora ibishoboka bakinjira muri iyi gahunda yo guhangana na Koreya ya Ruguru.

Mu mpera z’iki cyumweru, ibihugu bitatu: Amerika, Koreya y’epfo n’Ubuyapani ni byo bizagirana ibiganiro byihariye, ku ruhande rw’inama y’ibihugu by’ibikomerezwa ku isi “G20”, izabera mu mujyi wa Hamburg mu Budage. Byitezwe ko n’abayobozi b’Uburusiya n’Ubushinwa bazayitabira.

Facebook Forum

XS
SM
MD
LG