Uko wahagera

Ejo kuwa kabiri, isi yose izizihiza umunsi mpuzamahanga w’impunzi. Muri urwo rwego, kuwa kane no kuwa gatanu w’iki cyumweru. Uganda izakira inama mpuzamahanga ku kibazo cy’impunzi. Umunyamabanga mukuru w’Umuryango w’Abibumbye, Antonio Guterres, azaba ayirimo, hamwe n’abaterankunga.

Uganda icumbikiye impunzi zirenga miliyoni imwe n’ibihumbi 200. Kandi buri munsi haza abandi. Abenshi cyane bava muri Sudani y’Epfo. Uganda yizeye kuri iyi nama inkunga yo kubafasha igera ku madolari miliyari umunani.

Ku isi yose, abantu b’impunzi mu mahanga n’imbere mu bihugu byabo bararenga miliyoni 65 n’ibihumbi 600. Buri masegonda atatu haba hari umuntu ubaye impunzi kubera intambara, ubwicanyi, cyangwa guhigwa. Ni ubwa mbere mu mateka impunzi zigeze kuri iyi mibare, nk’uko HCR ibitangaza.

Syria ni yo bahunga cyane. Bararenga miliyoni 12. Hakurikiraho Afuganisitani na Iraki. Muri Afrika, Sudani y’Epfo ni yo iri ku isonga. HCR ivuga ko impunzi 84% bakomoka mu bihugu bikennye. Naho ku bihugu bicumbikiye impunzi, Uganda iza ku mwanya wa kabiri. Turkiya ni yo ya mbere. Guverinoma ya Turkiya ivuga ko yakiriye impunzi zirenga miliyoni eshatu n’ibihumbi 200.

Facebook Forum

XS
SM
MD
LG