Igisilikare cya Birimaniya cyavuze ko habonetse imirambo 10 n’ibisigazwa by’indege bikekwa ko ari iyagisilikare yaburiwe irengero kuwa gatatu. Yarimo abantu 122.
Itangazo rya gisilikare ryavuze ko iyo mirambo ari iy’abantu bakuru batandatu n’iy’abana bane. Habonetse n’ibice by’imizigo y’abagenzi, udukote dufasha abantu kutibira mu mazi, hanabonetse impira y’indege mu mazi hafi mu bilometero 35 uvuye mu mujyi wa Laughlon mu majyepfo y’igihugu.
Amato ya gisilikare hamwe n’indege zirimo na za kajugujugu zoherejwe kuri uyu wa kane gushakisha indege yakorewe mu bushinwa nomero Y-8-200F. Birimaniya yabuze iyo ndege mu kwezi kwa 3 umwaka ushize wa 2016. Igisilikare kivuga ko yari imaze gukora urugendo rw’amasaha 809.
Iyo ndege yari itwaye ahanini imiryango y’abasilikare. Yari ivuye mu mujyi wa Myeik, mu majyepfo ashyira uburasirazuba bwa Birimaniya. Yari yerekeje mu mujyi mugari wa Birimaniya, Yangon. Igice kinini cy’urugendo iyo ndege yagombaga kukimara hejuru y’inyanja ya Andaman.
Facebook Forum