Uko wahagera

Umuhari wa Reta ya Kiyisilamu Wagirizwa igitero muri Irani


Abajejwe umutekano ba Irani igihe haba igitero c'Iterabwoba.

Minisiteri ifite iperereza mu nshingano zayo muri Irani, kuri uyu wa kane yavuze ko abagabo batanu bagize uruhare mu gitero cyagabwe ku ngoro y’inteko ishingamategeko, no ku mva y’uwahoze ari umuyobozi, Ayatollah Ruhollah Khomeini, bari abanyairani binjiye mu mutwe wa Leta ya Kiyisilamu.

Iyo minisiteri yavuze ko abo bagabo barwanye mu mutwe wa Leta ya Kiyisilamu mu mujyi wa Mosul muri Iraki no mu mujyi wa Raqqa muri Siriya mbere yo gusubira muri Irani mu kwezi kwa munani umwaka ushize.

Abategetsi muri Irani banavuze ko umubare w’abahitanywe n’igitero cyo kuwa gatatu wiyongereye. Bavuze abantu 17 bishwe na 40 bakomeretse.

Ibyo bitero byabereye hafi igihe kimwe, byakozwe n’umugabo wari ufite imbunda n’abiyahuzi 2 bateze bombe. Umutwe wa Leta ya Kiyisilamu wahise wigamba icyo gitero kandi bishobora guteza ubundi bushyamirane mu Burasirazuba bwo hagati busanzwe bwugarijwe.

Abashinzwe umutekano ba Irani, kuwa gatatu bemeje uruhare rw’umutwe wa Leta ya Kiyisilamu, bavuze ko abenshi mu bagabye ibitero bari bihinduranyije bigize abagore. Bari abanyairani bagiye kwifatanya n’umutwe wa Leta ya Kiyisilamu.

Facebook Forum

XS
SM
MD
LG