Uko wahagera

Kuri uyu wa gatandatu naho mu mupira w’amaguru ruraza kuba rwambikanye hagati y’amakipe mw'irushanwa ry'amakipi yabaye aya mbere mu bihugu ku ku mugabane w’Uburayi: UEFA League des Champios..

Umukino wa nyuma uteganijwe kuri uyu wa gatandatu ni uwa 63 mu mateka y’iri rushanwa. Ikaba ari n’ inshuro ya 26 kuva ritangiye kwitwa Union of European Football Associations (UEFA) mu 1990.

Kuri iyi nshuro uyu mukino urahuriraho amakipe yombi afite amateka akomeye muri iri rushanwa, ariyo: Juventus yo mu Butariyani na Real Madrid yo muri Esipanye.

Juventus
Juventus

​Juventus imaze gutwara iri rushanwa inshuro ebyiri, ifite inyota yo kongera kwegukana iki gikombe, dore ko yaherukaga kugitwara mu 1996 aho yatsindaga ikipe ya Ajax Amsterdam yo mu Buhollandi.

Mukeba wayo Real Madrid yo irashaka kongera gukora amateka kuko igiheruka umwaka ushize mu 2016. Icyo gihe, yacyegukanye itsinze mukeba wayo Atletico Madrid, bihita binayigira ikipe ya mbere imaze gutwara iri rushanwa inshuro nyinshi kuko ifite ibi bikombe 11 byose. Gusa kugitwara yikurikiranya bishobora kutayorohera kuko kugeza ubu ikipe ifite aka gahigo ko gutwara iri rushwa yikurikiranya ari AC Milan yo mu Butariyani yagitwaye 1989-1990.

Biteganijwe ko uyu mukino wa nyuma uzaba kuri uyu wa gatandatu tariki 3, ukabera ku kibuga cy’umupira cyo mu mujyi wa Cardiff muri Ecosse. Iki kibuga cyakira abafana basaga 74 000. Biteganijwe ko uyu mukino ushobora kuzarebwa n’abarenga miliyoni 109 ku isi yose kuri televiziyo. Uzayoborwa n’umusifuzi w’umudage Felix Brych

Facebook Forum

XS
SM
MD
LG