Uko wahagera

ISIS Yigambye Igitero cyo mu mujyi wa Manchester


Umutwe uharanira Reta ya Kisilamu wigambye igitero cyahitanye abantu 22 barimo n'abana mhafi ya sitade yo mu mujyi wa Manchester mu gihugu cy'Ubwongereza. Igipolisi cyabaruye abandi bantu 59 bakomerekeye muri icyo kibuga cyakira abantu 21.000. Perezida Donald Trump wa Leta Zunze ubumwe za Amerika, yavuze ko abaguye muri icyo gitero bishwe n’imburamukoro zuzuye ubugome.

Igipolisi cy’Ubwongereza cyavuze ko abakora iperereza bakeka ko uwo mwiyahuzi wateye ari winyene, akanapfira muri icyo gitero, yaturikije igisasu,

Uwo mwiyahuzi yiturikije mu marembo y’icyo kibuga i saa 22:35 zo mu Bwongereza ku munsi wa mbere, hari igiteramo cy'umuririmbyikazi w'umunyamerika Ariana Grande.

Minisitiri w’intebe w’Ubwongereza Theresa May, yavuze y'uko igipolisi hamwe n’inzego zishinzwe umutekano bamaze kumenya umwirondoro w’uwo mwiyahuzi.

Igipolisi cyo kivuga ko cyafatiye mu majyepfo ya Manchester umusore w’imyaka 23 bikekwa ko afite aho ahuriye n’icyo gitero.

Facebook Forum

XS
SM
MD
LG