Umusirikali wa ONU Yishwe Muri Centrafrika

Umusirikare wo mu nteko zijejwe gucungera umutekano z’ishirahamwe mapuzamakungu ONU, yishwe, irengero ry’abandi bane ntirizwi.

Ivyo inyuma y’igitero cagizwe ku modaoka barimwo mu bumanuko bushira ubuseruko bw’igihugu ca Centrafrika. Ivyo vyatangajwe n’ishirahamwe mpuzamakungu ONU, uno musi ku wa kabiri.

Imodoka abo basirikare barimwo zatewe ku musi wa mbere ku muhingamo hafi y’imihana y’ahitwa, Yogofongo, aharenga ibilometero 470 mu buseruko bw’umurwa mukuru, Bangui, hafi y’urubibe na Republika iharanira demokrasi ya Congo.

Umusirikare akomoka mu gihugu ca Cambodge, yarishwe, abandi basirikare bajejwe gucungera umutekano umunani barakomereka, harimwo umusurikare wo muri Cambodge n’abasirikare indwi bo mu gihugu ca Maroc.

Irengero ry’abasirikare bajejwe gucungera umutekano bane ntirizwi. Muribo batatu n’abanya-Cambodge mu gihe umwe ar’umunya-Maroc. Abagize igitero ku modoka abasirikare bajejwe gucungera umutekano b’ishirahamwe ONU barimwo bahungiye mw’ishamba.