Uko wahagera

Perezida Buhari Yasubiye Kwivuza mu Bwongereza


Buhari yabanje kwakira abakobwa ba Chibok barekuwe n'umutwe wa Boko Haram

Perezida wa Nijeriya Muhammadu Buhari ejo ku cyumweru yafashe indege ijya mu Bwongereza kubonana n’abaganga be. Ni nyuma gato yo kwakira abanyeshuri b’abakobwa 82 b’i Chibok barekuwa n’abarwanyi ba Boko Haram. Bari barabatwaye mu myaka itatu ishize.

Itangazo ry’umuvugizi wa perezia Femi Adesina ryavuze ko perezida Buhari yari yateganyije guhaguruka mu masaha ya nyuma ya saa sita ku cyumweru, ariko ko yafashe icyemezo cyo gutinda gato kugira ngo abonane n’abo bakobwa.

Iryo Tangazo ryavuze ko igihe perezida Buhari azamara i London kizemezwa n’abaganga kandi ko guverinema izakomeza gukora uko bisanzwe, iyobowe na vise perezida Yemi Asinbajo.

Buhari yari yagarutse muri Nijeriya mu kwezi kwa 3, nyuma y’ibyumweru birindwi yari amaze i Londres yivuza. Ntabwo yavuze ubwoko bw’indwara arwaye.

Facebook Forum

XS
SM
MD
LG