Uko wahagera

Amatora ya perezida w’Ubufaransa


Kuri iki cyumweru, Abafaransa barazindukira mu matora y’umukuru w’igihugu uzabayobora muri iyi myaka itanu iri imbere. Bagomba guhitamo hagati ya bwana Emmanuel Macron, uyoboye umutwe wa politiki yise “En Marche!”, na madame Marine Le Pen, wo mu ishyaka “Front National” rirwanya politiki yo kwakira abimukira.

Ibipimo biraha amahirwe Macron. Bivuga ko ashobora kubona amajwi 62% kuri 38% ya Le Pen. Nyamara rero, abashyigikiye Emmanuel Macron bafite impungenge kubera ko “En Marche!” yagabweho ibitero bikomeye bya Interineti no kuvuga amakuru y’ibinyoma kuri kandida wayo ku mbuga nkoranyambaga.

Amabanga menshi ya Macron n’abakozi be bamufasha kwiyamamaza yashyizwe ku karubanda na WikiLeaks kuwa gatanu nijoro, hasigahe agahe gato gusa kugirango ibikorwa byo kwiyamamaza birangire hose mu gihugu nk’uko amategeko abiteganya. Bakeka ko bishobora kumwononera nabi.

Perezida w’Ubufaransa ucyuye igihe, Francois Hollande, yatangaje ko badashobora kubyihanganira. Ati: “Twari dusanzwe tuzi ko ibi bintu bishobora kutubaho nk’uko byabaye n’ahandi. Tugihe gufata ibyemezo bikwiye.” Muri Leta zunze ubumwe z’Amerika, inzego z’umutekano zivuga ko ibitero nk’ibi byagabwe kuri kandida Hilary Clinton kandi ko Uburusiya ari bwo bubiri inyuma.

Naho Komisiyo y’igihugu y’amatora ya perezida w’Ubufaransa, Commission Nationale de Contrôle de la Campagne Présidentielle (CNCCEP), yasabye ibitangazamakuru byo mu Bufaransa kwirinda gutangaza amabanga ya “En Marche!” yibwe.

Facebook Forum

XS
SM
MD
LG