Uko wahagera

Amafaranga y'Igisilikari mu Ngengo y'Imari muri Afurika


Amafranga akoreshwa mu vya gisirikare mu karere ka Afurika yaragabanutse inyuma yuko ateye yiyongera mu kiringo kirenga imyaka cumi.

Ivyo vyatangajwe na raporo ku mafranga akoreshwa mu vyerekeye kwivuna abandi mu makungu. Imvo nkuru itangwa n’iyo raporo n’igabanuka ry’ibiciro vy’ibitoro.

Nan Tian, umushakashatsi mu kigo gikwirikirana amafranga akoreshwa mu vya gisirikare gikorera mu gisagara ca Stockholm, casohoye iyo raporo gitangaza kw’igabanuka bikomeye ry’ibiciro vy’ibitoro vyagize ingaruka ku bihugu bitari bike vyo muri Afrika.

Raporo y’ico kigo yasanze amafranga yakoreshejwe n’igisirikare mu karere ka Afurika mu mwaka w’i 2016, yagabanutse kimwe n’ibice bitatu kw’ijana umuntu abigereranije n’umwaka w’imbere yaho. Ayo mafaranga yageze hafi y’imiliyaridi mirongo itatu n’itandatu n’imiliyoni amajana icenda y’amadolari y’abanyamerika.

Naho amafaranga akoreshwa n’igisirikare muri Afrima yagabanutse, ayo mafranga aracari hejuru ibice mirongo ine n’umunani, umuntu agereranije n’uko yangana haraheze imyaka cumi.

Ibihugu bikoresha amafaranga menshsi kurusha ibindi kenshi n’ibihugu bifise ubutunzi bufatiye ku bitoro. Igabanuka ry’ibiciro vy’ibitoro vyatumye amareta y’ivyo bihugu agabanya bikomeye amafaranga reta akoresha, harimwo ayerekeye ukwivuna abansi.

Amafaranga ibihugu vyo muri Afurika bikoresha mu vyerekeye kwivuna abansi arenga ibice bitatu kw’ijana vy’ubutunzi bwavyo.

Facebook Forum

XS
SM
MD
LG