Igihugu ca Koreya ya ruguru cahimbaje uno musi ku wa kabiri imyaka mirongo umnani n’itanu gishizeho igisirikare caco.
Ibirori vyaranzwe n’imyimenyerezo ya gisirikare yakoresheje insoro nyazo mu gisagara kirimwo ikivuko ca Wonsan, mu buseruko bw’igihugu.
Ivyo vyatangajwe n’ubushikiranganji bujejwe ukwivuna abandi bwa Koreya ya ruguru.
Bamwe mu bahinga bihweza ibintu n’ibndi, bari biteze ko Koreya ya ruguru ihimbaza imyaka mirongo umanani n’itanu ishizeho igisirikare cayo mu kugerageza ibirwanisho ruhonyanganda canke misile, incuro igira iya gatandatu. Yamara ivyo ntivyabaye ku muhingamo w’uno musi ku wa kabiri.
Ibirori vy’uguhimbaza imyaka mirongo umunani n’itanu irangiye Koreya ya ruguru ishizeho igisirikare cayo yahuriranye n’uko ubwato bw’inwgano bugendera musi y’amazi bwa Reta zunze ubumwe za Amerika “ sous –marin”, bugwanisha ibigwanisho nucleaire, USS Michigan, bwashitse muri Koreya y’Epfo.
Iyo sous-marin yafatanije n’igisirikare kirwanira mu mazi c’Ubuyapanai na Koreya y’epfo mu myimenyerezo ya gisirikare, yabereye mu mazi y’ibahari yo mu burangero bw’ikigobe ca Koreya.
Bitegekanijwe kw’iyo myimenyerezo ya gisirikare ibandanya gushika ejo ku musi wa gatatu igenekerezo rya 25 ry’ukwezi kwa kane.
Facebook Forum