Uko wahagera

Umwami wa Yordaniya Yabonanye na Perezida Trump


Perezida Trump yakiriye umwami Abdullah wa Jordaniya muri Maison Blanche. Biteganijwe ko ibiganiro byabo byibanda ku ntwaro z’ubumara muri Siriya.

Jordaniya na Siriya ni ibihugu bituranyi. Jordaniya ihangayikishijwe cyane n’intambara imaze imyaka itandatu muri Syria. Jordaniya icumbikiye impunzi zirenga miliyoni z’abanya-Siriya.

Jordania na Leta zunze ubumwe ni inshuti. Kugeza ubu ntibaravuga icyo bashobora gukora nyuma y’igitero cy’uburozi muri Siriya.

Perezida Trump n’umwami Abdullah baganiriye kandi no ku kibazo cya Isirayeli na Palestina. Umwami Abdullah aje ari intumwa y’Abarabu bose.

Afite ubutumwa bwabo ko biteguye kwemera leta ya Isirayeli niba nayo iramutse yemeye ko Palestina iba leta yigenga mu ntara za Gaza, uburasirazuba bw’umujyi wa Jeruzalemu, na Cisjordania.

Abarabu batanze bwa mbere iki cyifuzo mu 2002. Mu cyumweru gishize, barongeye baragitangaza ubwo bari mu nama mu murwa mukuru wa Jordania, Amman. Umwami aje gusaba perezida wa Leta zunze ubumwe z’Amerika kugishyigikira.

Ibihugu by’Abarabu ntibyemera Isirayeli, usibye bibili gusa: Jordaniya (yagiranye amasezerano y’amahoro na Isirayeli mu 1994), na Misiri (yagiranye amaserano y’amahoro na Isirayeli mu 1979).

Facebook Forum

XS
SM
MD
LG