Uko wahagera

Wau: 20 Barokotse Impanuka y'Indege muri Sudani y'Epfo


Indege yarimo abantu barenga 20 yahanukiye mu mujyi wa Wau muri Sudani y’Epfo. Yakomerekeje bamwe ariko nta bapfuye bavugwa.

Isosiyete y’indege, South Supreme Airlines ikoresha iyo ndege, yavuze ko abantu bose 21 bari bayirimo babashije kuvamo, imaze gukora impanduka kuwa mbere, ubwo yageragezaga kumanuka. Iyo sosiyeti ivuga ko bamwe mu bagenzi barimo kuvurirwa mu bitaro i Wau.

Abasilikare b’amahoro ba ONU, bafatanije n’abakozi bashinzwe ibiza bo mu karere, bakura abagenzi muri iyo ndege.

Umukanishi w’indege ku kibuga i Wau, yabwiye Ijwi ry’Amerika ko iyo ndege yageragezaga kumanuka ku butaka mu bihe bibi, igwira ikamyo yari ifite ibibazo ihagaze iruhande rw’aho indege zigwa ku kibuga.

Isosiyeti South Soupreme Airlines, yavuze ko iyo ndege ubusanzwe itwara abantu 45. Cyakora abagenzi 24 bari baviriyemo aho iyo ndege yahagaze bwa mbere mu mujyi wa Aweil. Ni muri Sudani y’Epfo.

Facebook Forum

XS
SM
MD
LG