Umwamikazi Elizabeti wa kabiri w’Ubwongereza niwe umaze imyaka myinshi ku buyobozi mu bijyanye n’ubwami. Ni nawe wa mbere ubumazeho igihe mu Bwongereza aho amaze imyaka 65 ku buyobozi.
Imihango ya Yubile y’imyaka 65 umwamikazi Elizabeti II amaze ku buyobozi yaranzwe no kurasa hejuru incuro 41, ku muturirwa r’i Londre, havuzwa n’inzogera mu muhango wabereye Westminster Abbey, imwe muri kiriziya za cyera, imaze imyaka 700.
Mu ngoro Buckingham, byavuzwe ko umwamikazi ufite imyaka 90 yamaze umunsi yibereye mu nzu ye ahantu hatuje mu burengerazuba bw’Ubwongereza.
Elizabeti yari afite imyaka 25 ubwo se Umwami George VI yitabaga imana ku italiki ya 6 y’ukwezi kwa 2 mu 1952.
Umwaka wakurikiyeho ku italiki ya 2 y’ukwezi kwa 6 yarimitswe ahabwa izina ry’umwamikazi Elizabeth II, mu muhango werekanywe bwa mbere kuri televisiyo igihe warimo kuba.
Umwamikazi Elizabeti II azizihiza isabukuru y’amavuko y’imyaka 91 mu kwezi kwa kane uyu mwaka wa 2017.