Uko wahagera

Ijwi ry'Amerika Ryizihije Imyaka 75


Isabukuru y'imyaka 75 y'Ijwi ry'Amerika

Kuri iyi taliki ya mbere y’ukwezi kwa kabiri, umwaka wa 2017, Ijwi ry’Amerika rimaze imyaka 75 ritangaza amakuru.

Nyuma y’ibyumweru birindwi birenga ho gato, Leta Zunze Ubumwe z’Amerika zinjiye mu ntambara ya kabiri y’isi yose, radiyo Ijwi ry’Amerika yataze amakuru y'iminota 15 yavugaga ku ntambara irimo kuba.

Ayo makuru yatangarijwe muri studio nto mu mujyi wa New York ku italiki ya mbere y’ukwezi kwa kabiri mu 1942, mu rurimi rw’ikidage.

Niyo makuru yabimburiye ayandi. Ubu radiyo Ijwi ry’Amerika ifite icyicaro gikuru i Washington DC.

Intambara ya kabiri y’isi yose yagiye kurangira, Ijwi ry’Amerika ritangaza mu ndimi 40. Porogaramu zayo zari zigizwe n’umuziki, amakuru no guha umwanya abantu bagatanga ibitekerezo.

Kuva icyo gihe, Ijwi ry’Amerika yageze no ku bundi buryo bwo gutangaza amakuru hakoreshejwe imbuga nkoranya mbaga harimo no gukoresha radiyo televisiyo na telefone zigendanwa mu ndimi 47.

Amagambo y’uwatangaje amakuru bwa mbere kw’ijwi ry’Amerika, William Harlan Hale, niyo yatanze umurongo fatizo wa porogaramu zakurikiyeho.

Guhera mu 1976, amagambo ye yashyizwe mu mahame agenga Ijwi ry’Amerika, atuma radiyo “ikora ku buryo ikomeza kuba urubuga rw’amakuru yizewe”. Akarusho k’ayo mahame naho avuga ko amakuru agomba kuba “ari ukuri, atabogamye kandi acukumbuye”.

VOA75: Ubutumwa bw'Umuyobozi w'Ijwi ry'Amerika
please wait

No media source currently available

0:00 0:01:25 0:00

Amanda Bennett mu ijambo rye ku isabukuru y’imyaka 75 nk’umuyobozi w’Ijwi ry’amerika, yagize ati "Imyaka 75 irashije Ijwi ry’Amerika ritangaza amakuru ataboganye kandi aturuka mu mpande zose z’isi. Umurimo dukora ubu warushijeho kugira akamaro”.

Hashize imyaka Ijwi ry’Amerika rifite abanyamakuru mu bice byinshi byo ku isi bagiye bakurikira ibintu bikomeye bihabera.

Kugeza uyu munsi, Ijwi ry’Amerika ritangaza amakuru n’ibiganiro binyuzwa kuri televisiyo 2,500 n’amaradiyo atangaza ibiganiro byayo mu mpande zose z’isi.

Ijwi ry'Amerika yashyizeho uburyo butuma abantu bakurikira radiyo bakoresheje telefone ngendanwa kandi bakageza ibitekerezo byabo kw’Ijwi ry’Amerika banyuze ku mbuga nkoranya mbaga.

Umwaka wa 2016 wagiye gushira, radiyo Ijwi ry’Amerika igera kuri miliyoni 236 z’abantu ku isi hose, buri cyumweru.

XS
SM
MD
LG