Uko wahagera

Ibyihebe Byarekuye Indege ya Libiya muri Malte


Uyu munsi, abihebyi babiri bayobeje indege y’ikigo cya leta ya Libiya cyitwa Afriqiyah Airways bayijyana mu kirwa cya Malte, kiri mu nyanja ya . Yari mu nzira iva mu mujyi wa Sabha mu majyepfo ya Libiya yerekeza mu murwa mukuru Tripoli. Yari itwaye abantu 118.

Bageze ku kibuga mpuzamahanga cy’indege cya La Valette, umurwa mukuru wa Malte, inzego z’umutekano zabujije izindi ndege zose kuhaza. Batangiye imishyikirano n’abihebyi. Aba babanje kurekura abagenzi 109 gato indege imaze kugwa. Nyuma y’amasaha y’ibiganiro, abihebyi barekuye n’abakozi b’indege bari basigaranye, maze nabo bishyira mu maboko y’abashinzwe umutakano, nk’uko minisitiri w’intebe wa Malte, Joseph Muscat, yabitangaje ku rubuga rwe rwa Twitter.

Naho minisitiri w’ububanyi n’amahanga wa Libiya, Taher Siala, yatangaje ko abihebyi ni abayoboke ba Colonel Kaddafi. Asobanura ko bashakaga gushinga umutwe wa politiki ugendera ku mahame ya politiki ya Kaddafi.

-----------------------------------------------

XS
SM
MD
LG