Uko wahagera

USA: Trump Yahisemo Umugore Kumubera Umujyanama


Komisiyo y'inzibacyuho ishinzwe gutegura Donald Trump kwinjira muri Perezidansi y’Amerika bavuga ko yahisemo Kellyanne Conway nk’umujyanama wa perezida watowe w’Amerika. Ni we mugore uzaba agiye ku mwanya wo hejuru muri perezidansi y’Amerika.

Madame Conway yayoboye imilimo yo kwiyamamaza kwa Trump mu kwezi kwa munani, nyuma gato amaze gutsindira umwanya wo guhagararira Abarepubulika mu matora ya perezida.

Madame Conway ni we mugore wa mbere wayoboye ibikorwa byo kwiyamamaza mu matora ya perezida y’umukandida wegukanye itsinzi. Azaba kandi umwe mu bayobozi b’ibanze batoranyijwe na perezida watowe.

Uyu Conway yarwanye kuri prezida watowe Trump abishyizemo ingufu. Yanamubaye hafi ubwo videwo yo mu mwaka wa 2005, yashyirwaga ahagaragara, yerekana Trump akoresha imvugo nyandagazi asobanura ibyo yakoreye abagore batabyumvikanyeho

XS
SM
MD
LG