Uko wahagera

2016: Abanyamakuru 6 Barishwe, 41 Barafungwa muri Afurika


Uko Abanyamakuru Bafunzwe muri 2016

Umwaka wa 2016 wabaye mubi ku banyamakuru b’abanyafurika. Batandatu barishwe abandi 41 bashyizwe muri za gereza mu mpande zose z’akarere ka Afurika yo munsi y’ubutayu bwa Sahara.

Ibi ni ibyakusanijwe n'umuryango wo muri Amerika wita ku bwisanzure bw'itangazamakuru, "Committe to Protect Journalists", CPJ mu magambo ahinnye y'Icyongereza. Mu mwaka wa 2015, CPJ yatangaje ko abanyamakuru 15 ishwe, naho 34 barafunzwe muri Afrika.

Ku isi hose, abanyamakuru byibura 48 barishwe muri uyu mwaka wa 2016. Abenshi muri bo baguye mu bice byarimo ubushyamirane muri Siriya, Iraki, Yemeni, Libiya n’Afuganisitani. Mirongo cyenda kw’ijana bagiriye izo ngorane mu bihugu byabo. Kw’isi hose hari abanyamakuru 259 bafunze. Uwo ni wo mubare munini CPJ kugeza ubu yatangaje mu myaka 16 imaze ikusanya imibare.

Muri Afurika, abanyamakuru bose biciwe mu bihugu byabo. Mu babishe, bake nibo batawe muri yombi cyangwa bagejejwe mu nkiko.

Igihugu cyapfuyemo abanyamakuru benshi ni Somaliya yamaze imyaka irenga 20 itagira guverinema y’igihugu cyose. Ubwo ni nako imitwe yari ishyamiranye, imaranira ubutegetsi, ubutaka n’ubukungu bw’igihugu.

Mu banyamakuru 41 bafunzwe, 33 ni abo mu bihugu bituranye na Somaliya ari byo Etiyopiya na Eritereya. Guverinema z'ibyo bihugu byombi zakomeje gushinjwa kuba zirushaho kutihanganira itangazamakuru, kandi zikomeza kugayirwa kugundira ubutegetsi.

XS
SM
MD
LG