Uko wahagera

Ghana: Impaka k'Uwatsinze Amatora Zatangiye


Perezida John Dramani Mahama yatanzwe n'umugambwe National Democratic Congress uri k'ubutegetsi, aho yari gutora

Abatoye muri Ghana bategereje amajwi yavuye mu matora yo kuwa gatatu, aho bahisemo perezida uzabayobora igihugu mu bihe biri imbere n’abagize inteko ishingamategeko.

Komisiyo y’amatora y’igihugu yashyize ahagaragara amajwi ya mbere yavuye mu itora rya perezida. Mu itangazo ryayo iyo komisiyo yavuze ko itarimo gutinda gutangaza amajwi ku bushake, ahubwo ko irimo gukoresha uburyo bwose bushobora gutuma amajwi yose yatoreshejwe mu buryo bwemewe n’amategeko abarurwa.

Ishyaka ritavuga rumwe n’ubutegetsi NPP, ryavuze ko mu majwi rimaze gushyira hamwe yerekana ko Nana Akufo-Addo uhanganye na perezida arimo kwerekeza ku ntsinzi.

Ishyaka riri ku buyobozi NDC, ryavuze ko perezida uri ku buyobozi, John Mahama ahagaze neza mu gihugu hose, kandi ryamaganye ibivugwa n’ishyaka NPP ko ritujuje inshingano zaryo.

Perezida John Mahama uri ku butegetsi muri Ghana, arashaka manda ya kabiri mu itora ahanganyemo n’umuyobozi w’ishyaka ritavuga rumwe n’ubutegetsi Nana Akufo-Addo, umugabo yatsinze mu myaka ine ishize.

Nana Akufo-Addo, yatanzwe n'umugambwe utavugarumwe n'ubutegetsi New Patriotic Party, ariko aratora
Nana Akufo-Addo, yatanzwe n'umugambwe utavugarumwe n'ubutegetsi New Patriotic Party, ariko aratora

Akufo –Addo wahoze ari minisitiri w’ububanyi n’amahanga yafatiye ku bibazo by’ubukungu mu gihugu abigira intsanganyamatsiko ye mu gihe cyo kwiyamamaza.

Arega Mahama n’ishyaka rye riri ku buyobozi “National Democratic Congress” kuba ntacyo bashoboye.

Ghana ni igihugu kigemura ibitoro byinshi mu mahanga, izahabu ndetse na cacao.

Cyakora manda y'imyaka ine ya Mahama yaranzwe n’ibiciro bya lisansi byamanutse ku isi hose. Ibi byatumye imari ya leta igabanuka n’ibiciro byiyongera. Guverinema ya Ghana yemeye miliyoni 918 z’amadolari y’ingoboka y’ikigega mpuzamahanga cy’imali.

Ghana yashimiwe kandi yamamara nk’igihugu gifite demokarasi yashinze imizi ku mugabane wa Afurika. Ariko ibikorwa byo kwiyamamaza uyu mwaka byahuye n’ibizazane abatora bavuga ko bashyizweho igitsure banavuga impungenge bafitiye komisiyo ishinzwe amatora mu gihugu.

XS
SM
MD
LG