Uko wahagera

Umushinwa yatorewe gutegeka Interpol


Meng Hongwei iburyo
Meng Hongwei iburyo

Inama rusange ya 85 y’ishyirahamwe mpuzamahanga ry’igipolisi, Interpol, iteraniye mu mujyi wa Bali mu gihugu cya Indoneziya. Yatoreye minisitiri wungirije w’umutekano w’Ubushinwa, Meng Hongwei, ku mwanya wa perezida mushya w’uyu muryango mu gihe cy’imyaka ine. Meng Hongwei asimbuye Umufaransakazi Mireille Ballestrazzi.

Meng Hongwei abaye Umushinwa wa mbere uyoboye Interpol. Imiryango iharanira uburenganzira bwa muntu, nka Amnesty International, yatangaje impungenge itewe n’itorwa rye. Bavuga ko Ubushinwa bwarenze ku mategeko ya Interpol inshuro nyinshi, mu rwego rwo guhonyora uburenganzira bwa muntu. Nyamara amategeko ya Interpol abuza uyu muryango kwivanga mu bibazo bya politiki, bya gisilikali, iby’amadini, cyangwa amoko, byo mu bihugu biwugize.

Ubushinwa bwinjije muri Interpol mu 1984. Ni bwo buzakira inama rusange ya 86 mu mwaka utaha. Inama rusange ya Interpol yo mu 2018 izabera muri Uganda.

Interpol yashinzwe mu 1923. Ishinzwe ubufatanye n’ubutwererane bw’igipolisi cy’ibihugu 190 biyigize. Icyicaro cyayo kiri mu mujyi wa Lyon mu Bufaransa.

XS
SM
MD
LG