Urukiko rw'i Kinshasa rumaze gukatira igifungo cy'amezi atatu kuri uyu wa kabiri umuririmbyi w'ikirangirere Koffi Olomide ukomoka muri Repubulika iharanira demokarasi ya Kongo. Uyu yatawe muri yombi ari iwe mu mujyi wa Kinshasa mu gitondo cyo kuwa kabiri tariki ya 26 y'ukwa karindwi 2016.
Gufatwa kwa Koffi Olomide kwaturutse k'ukuba yarateye umugeri umwe mu bakobwa bamubyinira ari i Nairobi muri Kenya mu mpera z'icyumweru gishize.
Umwe mu bategetsi bashinzwe polisi y'i Kinshasa yemereye ibiro ntaramakuru by'Abafaransa, AFP, ko polisi yataye muri yombi Koffi Olomide kugirango imuhate ibibazo.