Uko wahagera

USA: Igihu mu Ishyaka ry’Abademokarate


ក្មេងៗ​ចូល​ប្រកួត​លោត​បាវ​ក្នុង​ទិវា​ឯករាជ្យ​ជាតិ​លើក​ទី​៧១​របស់​ប្រទេស​មីយ៉ាន់ម៉ា នៅ​ទីក្រុង​យ៉ាងហ្គូន (Yangon) ប្រទេស​មីយ៉ាន់ម៉ា។
ក្មេងៗ​ចូល​ប្រកួត​លោត​បាវ​ក្នុង​ទិវា​ឯករាជ្យ​ជាតិ​លើក​ទី​៧១​របស់​ប្រទេស​មីយ៉ាន់ម៉ា នៅ​ទីក្រុង​យ៉ាងហ្គូន (Yangon) ប្រទេស​មីយ៉ាន់ម៉ា។

Inshingano ya mbere y’iyi Kongere ni ukwimika umukandida w’ishyaka, Hillary Clinton, n’ushobora kuzamubera visi-perezida, Senateri Tim Kaine.

Nyamara amabaruwa ya e-mails abayobozi b’ishyaka bandikiranye mu gihe cy’amatora y’amajonjora agaragaza ko batashakaga Senateri Bernie Sanders wari uhanganye na Hillary Clinton. Ayo mabaruwa ibihumbi n’ibihumbi yashyizwe ku gasozi na Wikileaks.

Byatumye umukuru w’ishyaka ry’abademokarate, Madame Debbie Wasserman Shultz, yegura kuri iyi milimo ye.

Abayoboke b’ishyaka bashyigigikiye Bernie Sanders bakoze imyigaragambyo mu mujyi wa Philadelphia, bamagana imikorere y’ishyaka ryabo, yo kubogama.

Ariko abategetsi n’intumwa bateraniye muri uwo mujyi uri muri leta Ya Pennsylvania bemeza ko iki gihu kitagomba kubacamo ibice, ahubwo ko bagomba gushyira hamwe, bimirije imbere intego yo gutsinda amatora yo mu kwezi kwa 11 gutaha.

Hillary Clinton na senateri Tim Kaine
Hillary Clinton na senateri Tim Kaine

Kuri gahunda, Kongere igomba kwimika kandida, no gutunganya imigambi agomba kuzatunganya natorwa. Nk’uko ishyaka ryabitangaje, hateganijwe n’abantu benshi bazafata ijambo.

Mu bakomeye bategerejwe cyane harimo umufasha wa Perezida Obama, Michelle Obama, visi- perezida Joe Biden, Senateri Bernie Sanders, Perezida Barack Obama, umugabo wa Hillary Clinton, Perezida Bill Clinton, n’umukobwa wabo umwe rukumbi babyaye Chelsea Clinton.

Hillary Clinton ni we uzafata ijambo rya nyuma kuwa kane nijoro, avuga ku mugaragaro ko yemeye koko guhagararira ishyaka ry’Abademokarate mu matora ya perezida wa Leta zunze ubumwe z’Amerika mu kwezi kwa 11.

Iyi Kongere ikoraniyemo intumwa 4,769. Umutekano ni igitangaza.

Inzego z’umutekano zafashe igice kinini cy’umujyi, imihanda barafunga, bashinga amahema manini cyane arimo ibyuma byo gusaka abantu n’ibintu bafite.

Abapolisi ni benshi cyane. Bambaye imyenda ibarinda amasasu. Amamodoka yabo aracicikana yacanye ya matara yayo amyasamyasa. Kajugujugu zabo nazo zirazenguruka mu kirere ubutitsa.

XS
SM
MD
LG