Abategetsi bo mugice co hagati ca Somaliya hamwe n’abavyiboneye bamenyesha ko abantu barenga 20 bapfuye mu mirwano yabaye hagati y’abasirikare ba reta hamwe n’umuhari w’intagondwa wa Al-Shabab.
Abarwanyi ba Al-Shabab bateye ikambi y’abasirikare ba Somaliya iri ahitwa El-Hareri mu bucagucagu bwo k’umusi wa gatatu.
Uwurongoye iyo kambi yamenyesheje ko aba Al –Shabab 18 bishwe, abasirikare batanu ba reta barapfa hamwe n’abasivile.
Abategetsi ba reta bamenyesha kandi ko aba Al-Shabab barenga 10 hamwe n’abasirikare 2 bakomeretse mur’iyo mirwano.