Ibihugu bigize akarere k'Afurika y'Uburasirazuba bifite umugambi wo guhuza ikirere mu rwego rwo gufasha kugabanya ibiciro by'abakoresha indege.
Usibye kugabanya ibiciro ku ngendo zo mu kirere, uwo mugambi uzanafasha guteza imbere ubukerarugendo mu bihugu bigize akarere k’Afurika y’Uburasirazuba, nkuko bisobanurwa na Madam Carmen Nibigira, wigeze kuba umuyobozi w'ikigo cy'igihugu gishinzwe ubukerarugendo mu Burundi, ubu akaba ari umuhuzabikorwa w'ubukerarugendo mu karere k'Afurika y'Uburasirazuba (East Africa Tourism Platform), mu kiganiro yahaye Radiyo Ijwi ry'Amerika.
